Назва вескі: КАЛЫБАНЬ

Месцазнаходжанне:

Вёска  ў  Камарынскім  пасялковым  Савеце,  за  41  км  на  Пд ад  Брагіна,  7  км  ад  чыг.  ст.  Пасудава  (на лініі  Оўруч – Палтава),  171  км  ад  Гомеля,  на  р.  Брагінка,  на  тэр.  Палескага  радыяцыйна-экалагічнага  запаведніка. Транспартныя  сувязі  па  прасёлачнай, потым  аўтадарозе  Камарын – Брагін.

Гістарычная даведка:

Выяўленыя  археолагамі  гарадзішча І-га  тысячагоддзя  н.э.  (4  км  на  Пд  ад вёскі,  на  правым  беразе  р.  Брагінка)  і курганны  могільнік  (6  насыпаў,  2  км  на ПдЗ  ад  вёскі,  ва  ўрочышчы  Замосце) сведчаць  пра  засяленне  тутэйшых  месц з  глыбокай  старажытнасці.  Па  пісьмовых  крыніцах  вядома  з  18  ст.  як  вёска  ў валоданні  Патоцкіх,  потым – Масальскіх.  У  1795  г.  6  двароў.  У  1850  г.  50  двароў,  509  жыхароў.  Дваранін  Местар  меў тут  у  1876  г.  1971  дзес.  зямлі,  вадзяны  і конны  млыны.  Пад  1879  г.  пазначана  як сяленне  ў  Чыкалавіцкім  царк.  прыходзе. У  1885  г.  102  двары,  549  жыхароў,  конны  млын.  У  выніку  пажару  16.8.1895  г. згарэла  палова  вёскі.  Паводле  перапісу 1897  г.  хлебазапасны  магазін,  карчма; побач  была  аднайменная  сядзіба.  У  1908 г.  170  двароў,  928  жыхароў,  у  Савіцкай воласці  Рэчыцкага  пав.  З  8.12.1926  г.  да 1987  г.  цэнтр  Калыбанскага  с/с  Камарынскага,  з  25.12.1962  г.  Брагінскага  р-наў Рэчыцкай,  з  9.6.1927  г.  Гомельскай  акруг,  з  20.2.1938  г.  Палескай,  з  8.1.1954  г. Гомельскай  абл. У 1929 г. 1397 жыхароў,  школа,  хата-чытальня,  аддз.  спажывецкай кааперацыі. У 1930 г. арганізаваны калгас «Чырвоны  араты», працавалі  З  ветракі, 2 конныя крупарушкі,  кузня,  ваўначоска,  торная  майстэрня.  У  1940  г.  290  двароў.  У  Вял.  Айч. вайну  ў  верасні  1943  г.  ням.  фашысты спалілі  265 двароў,  загубілі  7  жыхароў. У баі каля вёскі 23.9.1943 г.  вызначыліся камандзір артыл. батарэі ст. лейтэнант І.М. Ляшэнка, камандзір роты ст. лейтэнант В.Л. Мельнікаў, наводчыкі  гармат А.Г. Казлоў  і  М.Д. Ольчаў  (прысвоена званне  Героя  Сав.  Саюза).  Паводле перапісу  1959  г. 977  жыхароў, у 1970 г. 741  жыхар.  Была  цэнтрам  калгаса «Ленінскі  шлях». Размяшчаліся  сярэдняя  школа,  клуб,  б-ка, фельч.-акушэрскі пункт, аддз.  сувязі,  швейная  майстэрня, 2  магазіны. Перад аварый на ЧАЭС 278 двары, 571 жыхар. 

Звесткі аб помніках прыроды, гісторыі, культуры:

Брацкая магіла Савецкіх воінаў, помнік землякам. Пахаваны 3 воіны. У 1967 г. устаноўлены надмагілле, абеліск на ўшанаванне памяці 89 землякоў.

Звесткі аб знакамітых ураджэнцах:

Радзіма мастака-графіка Васіля Фёдаравіча Леоненкі, аўтара серыі маленікіх гравюр-экслібрысаў “Памяти дома моего”. Экслібрысы серыі – рэквіем роднаму дому, сёлам, якія засталіся ў зоне радыяцыйнага забруджання. Радзіма  аднаго  з  кіраўнікоў  партыз.  руху  ў Вілейскай  вобл.  ў  Вял.  Айч.  вайну Ф.М. Расюка  (быў  камісарам  4-й  Беларускай  партыз.  брыгады).  

Звесткі аб адсяленні:

Пасля  катастрофы  на  Чарнобыльскай АЭС  і  радыяцыйнага  забруджання  жыхары  (270  сямей)  пераселены  ў  1986  г.  ў чыстыя  месцы (распараджэнне СМ БССР № 481-рс от 20.06.1986).

Звесткі аб бібліятэцы:

Дата адкрыцця: 01.01.1959 – 31.12.1959

Кніжны фонд: 10153

Колькасць чытачоў: 510

Дата закрыцця: 08.10.1986

Бібліятэкар, які праводзіў закрыццё: Гаўрык Марыя Іванаўна

№ дакумента: Загад № 26 ад 08.10.86 г.