Назва вескі: ПРЫСЕНШЧЫНА

Месцазнаходжанне:

Пасёлак у Шырокаўскім с/с,  за  20 км на У ад раённага цэнтра і чыг. ст. Буда-Кашалёўская (на ліні Жлобін—Гомель), 32 км ад Гомеля. На Пн і З  меліярацыйныя каналы, на У мяжуе з лесам. Транспартныя сувязі па  прасёлачнай  дарозе, затым на шашы Доўск—Гомель. 

Гістарычная даведка:

Засн. ў пачатку 20 ст. перасяленцамі з суседніх  вёсак. У 1926 г. 17 двароў, 110 жыхароў, у Чачэрскім раёне Гомельскай акругі. У 1929г. пасялкоўцы ўступілі ў калгас. Па перапісу 1959 г. 96 жыхароў. У складзе саўгаса «Камінтэрн» (цэнтр — в. Шырокае. На момант адсялення (1.01.90г) налічвалася 15 двароў і 21 жыхар.

Звесткі аб адсяленні:

У сувязі з радыяцыйным забруджаннем пасля Чарнобыльскай катастрофы жыхары (16 сямей) пераселены ў чыстыя  месцы.