Назва вескі: ЧЭРНЕЎ

Месцазнаходжанне:

Вёска  ў  Хракавіцкім  с/с, за  30  км  на  Пд  ад  Брагіна,  11  км  ад  чыг. ст.  Ёлча  (на  лініі  Оўруч – Палтава),  149 км  ад  Гомеля.  Побач  аўтадарога  Камарын – Брагін. 

Гістарычная даведка:

Выяўленае археолагамі гарадзішча ранняга жалезнага веку і раннефеадальнага  часу  (за  1,5  км  на  ПдЗ  ад  вёскі) сведчыць  пра  засяленне  тутэйшых мясцін  з  глыбокай  старажытнасці.  Па пісьмовых  крыніцах  вядома  з  пач.  19  ст. У1811  г.  пазначана  як  хутар  у  Рэчыцкім пав.  Мінскай  губ.,  уладанне  Ракіцкіх.  У 1834  г.  8  двароў,  уладанне  Трыпольскай. Пад  1879  г.  пазначана  як  сяленне  ў  Ялчанскім  царк.  прыходзе.  Паводле  перапісу  1897  г.  16  двароў,  132  жыхары.  У 1908  г.  24  двары,  202  жыхары,  у  Савіцкай воласці  Рэчыцкага  пав.  У  1930  г. арганізаваны  калгас.  Паводле  перапісу 1959  г.  181  жыхар.  Уваходзіла  ў  склад саўгаса  «Брагінскі»  (цэнтр  –  в. Выграбная  Слабада). Перад аварыяй на ЧАЭС 44 двары, насельніцтва - 88 чалавек.

Звесткі аб адсяленні:

Пасля  катастрофы  на Чарнобыльскай  АЭС  жыхары  (32  сям’і)  пераселены  ў  1986 г. ў чыстыя месцы (распараджэнне СМ БССР № 481-рс от 20.06.1986). У сувязі з высокай  забруджанасцю  ўсё  будынкі  разбураны  і  пахаваны  пад  пластом  зямлі.