Назва вескі: КАПОРАНКА

Месцазнаходжанне:

Вёска  ў  Новаялчанскім  с/с,  за  41  км  на  ПдУ  ад  Брагіна, 6  км  ад  чыг.  ст.  Ёлча  (на  лініі  Оўруч – Палтава),  158  км  ад  Гомеля;  на  Пд меліярацыйныя  каналы.  Транспартныя сувязі  па  прасёлачнай,  потым  аўтадарозе  Камарын – Брагін. 

Гістарычная даведка:

Па  пісьмовых  крыніцах  вядома  з  18  ст. Па  інвентары  1784  г. 15 дымоў, 46  валоў, 36 кароў.  Пасля  2-га  падзелу  Рэчы Паспалітай  (1793  г.)  у  складзе  Рас. імперыі. У 1811 г. ўладанне Ракіцкіх. У 1850  г. 28  двароў, 185  жыхароў,  уладанне  памешчыка Прозара. Пад 1879  г. пазначана  як  сяленне  ў  Ялчанскім  царк. прыходзе. Паводле перапісу 1897 г. 53 двары,  350  жыхароў, хлебазапасны магазін.  У 1908 г. 60  двароў,  383 жыхары,  у  Ялчанскай  воласці  Рэчыцкага  пав. Мінскай  губ. З 8.12.1926 г. да 16.7.1954 г. цэнтр  Капоранскага  с/с  Камарынскага  р-на  Рэчыцкай, з 9.6.1927 г. Гомельскай  (да 26.7.1930  г.)  акруг, з 20.2.1938 г. Палескай, з 8.1.1954 г. Гомельскай абл. З  1920-х г. дзейнічала  школа. У 1930  г. арганізаваны калгас «Савецкая Беларусь», працавала кузня. Паводле перапісу 1959 г. 317 жыхароў. Уваходзіла ў склад саўгаса «Краснае» (цэнтр – в. Краснае). Перад аварыяй на ЧАЭС ў склад вёскі ўваходзіла 79 двароў,176 жыхароў.

Звесткі аб помніках прыроды, гісторыі, культуры:

Брацкая магіла Савецкіх воінаў, помнік землякам. Пахаваны 3 воіны. У 1967 г. устаноўлены надмагілле, абеліск на ўшанаванне памяці 89 землякоў.

Звесткі аб знакамітых ураджэнцах:

Радзіма мастака-графіка Васіля Фёдаравіча Леоненкі, аўтара серыі маленікіх гравюр-экслібрысаў “Памяти дома моего”. Экслібрысы серыі – рэквіем роднаму дому, сёлам, якія засталіся ў зоне радыяцыйнага забруджання.

Звесткі аб адсяленні:

Пасля катастрофы на Чарнобыльскай АЭС і радыяцыйнага забруджання жыхары  (70  сямей) пераселены ў 1986 г. ў чыстыя  месцы (распараджэнне СМ БССР № 481-рс от 20.06.1986). У сувязі з забруджанасцю ўсё  будынкі  разбураны  і  пахаваны  пад  пластом  зямлі.

Звесткі аб бібліятэцы:

Дата адкрыцця: 01.01.1959 – 31.12.1959

Кніжны фонд: 10153

Колькасць чытачоў: 510

Дата закрыцця: 08.10.1986

Бібліятэкар, які праводзіў закрыццё: Гаўрык Марыя Іванаўна

№ дакумента: Загад № 26 ад 08.10.86 г.