Назва вескі: КРУКІ

Месцазнаходжанне:

Вёска  ў  Камарынскім  пасялковым  Савеце,  за  42  км  на  Пд  ад Брагіна,  18  км  ад  чыг.  ст.  Ёлча  (на  лініі Оўруч – Палтава),  172  км  ад  Гомеля,  на р.  Несвіч  (прыток  р.  Брагінка);  на  тэр. Палескага  радыяцыйна-экалагічнага запаведніка.  Транспартныя  сувязі  па   прасёлачнай,  потым  аўтадарозе  Камарын – Брагін. 

Гістарычная даведка:

Вядома  з  19  ст.  як  сяло  ў  Рэчыцкім пав.  Мінскай  губ.  У  1850  г.  22  двары,  165 жыхароў,  уладанне  памешчыцы  Ванчэўскай.  Пад  1879  г.  пазначана  як  сяленне Чыкалавіцкага  царк.  прыхода.  У  1885  г. 42  двары,  214  жыхароў,  цэнтр  Крукаўскай  воласці,  у  якую  ўваходзілі  19  сяленняў  з  477  дварамі.  Паводле  перапісу  1897 г.  98  двароў,  525  жыхароў,  школа  граматы,  хлебазапасны  магазін,  2  ветракі,  карчма,  царква,  яўрэйскі  малітоўны  дом; побач  знаходзіўся  смаляны  завод  Падзасецкае.  У  1908  г.  129  двароў,  711  жыхароў,  у  Савіцкай  воласці.  З  8.12.1926  г.  да 1987  г.  цэнтр  Крукаўскага  с/с  Камарынскага,  з  25.12.1962  г.  Брагінскага  р-наў  Рэчыцкай,  з  9.6.1927  г.  Гомельскай  (да 27.6.1930 г.)  акруг,  з  20.2.1938  г.  Палескай,  з  8.1.1954  г.  Гомельскай  абл.  У  1929 г.  1254  жыхары,  2  школы,  аддз.  спажывецкай  кааперацыі.  У 1930 г. арганізаваны калгас  «Парыжская  камуна», працавалі  вятрак  і  ваўначоска.  У  1940  г. 280  двароў.  У  Вял.  Айч.  вайну  ў  красавіку 1943  г.  партызаны  разграмілі  ў  вёсцы ням.  гарнізон.  У  маі  1943  г.  фаш.  карнікі поўнасцю  спалілі  вёску  і  загубілі  25  жыхароў.  У  баях  за  вёску  і яе  наваколле  ў лістападзе  1943  г.  загінулі  5  воінаў  і  2 партызаны  (пахаваны  ў  брацкай  магіле ў  цэнтры  вёскі).  На  франтах  і  ў  партыз. барацьбе  загінуў  101  зямляк,  у  памяць  аб якіх  у  1967  г.  ўзведзены  ў  цэнтры  вёскі абеліск.  Паводле  перапісу  1959  г.  650 жыхароў.  У  1962  г.  да  вёскі  далучана  в. Нарагі.  Была  цэнтрам  калгаса  імя У.І. Леніна.  Дзейнічалі  камбінат  быт.  абслугоўвання,  лясніцтва,  сярэдняя  школа, клуб,  б-ка,  фельч.-акушэрскі  пункт,  аддз. сувязі,  магазін.  Перад аварыяй на ЧАЭС у склад вёскі ўваходзілі 194 двары, налічвалася 439 жыхароў, працавалі магазін, ФАП, КБА, бібліятэка, лясніцтва, школа, клуб.

Звесткі аб помніках прыроды, гісторыі, культуры:

Брацкая магіла савецкіх воінаў і партызан, помнік землякам. Пахаваны 5 воінаў і 2 партызаны, якія загінулі ў лістападзе 1943г. У 1967 г. на ўшанаванне памяці воінаў і партызан, а таксама 101 земляка, якія загінулі ў Вялікай Айчыннай вайне на магіле пастаўлены абеліск.

Звесткі аб адсяленні:

Пасля  катастрофы  на  Чарнобыльскай  АЭС  і  радыяцыйнага  забруджання  жыхары  (170  сямей)  пераселены  ў  1986  г.  ў  чыстыя  месцы (распараджэнне СМ БССР № 481-рс от 20.06.1986).

Звесткі аб бібліятэцы:

Дата адкрыцця: 01.01.1962 – 31.12.1962

Кніжны фонд: 9430

Колькасць чытачоў: 374

Дата закрыцця: 10.08.1986

Бібліятэкар, які праводзіў закрыццё: Кузменка Лідзія Уладзіміраўна

№ дакумента: Загад № 23 ад 10.08.86 г.