Назва вескі: ЯСЯНОК
Месцазнаходжанне:
Вёска ў Кіраўскім с/с, за 29 км. на Пд ад Нароўлі, 54 км. ад чыг. ст. Ельск (на лініі Калінкавічы—Оўруч), 207 км.. ад Гомеля, на тэр. Палескага радыяцыйна-экалагічнага запаведніка, вакол лес. Транспартныя сувязі па прасёлачнай, а затым аўтадарозе Вуглы—Чапаеўка.
Гістарычная даведка:
Засн. ў пач. 20 ст. перасяленцамі з суседніх вёсак. Найбольш актыўная забудова прыпадае на 1920-я г. У 1930 г. арганізаваны калгас «Новае жыццё», працавала кузня. У 1940 г. 66 двароў, 396 жыхароў. У Вял. Айч. вайну дзейнічала патрыят. маладзёжная група (кіраўнік В.Казакевіч). У ліп. 1943 г. ням.-фаш. акупанты спалілі 57 двароў. 41 вясковец загінуў на фронце. Паводле перапісу 1959 г. 371 жыхар, у 1986 г. 58 двароў, 133 жыхары. Уваходзіла ў склад саўгаса «Партызанскі» (цэнтр — в. Вуглы).
Звесткі аб адсяленні:
У сувязі з радыяцыйным забруджаннем пасля Чарнобыльскай катастрофы жыхары (59 сямей) пераселены ў 1986 г. ў чыстыя месцы, пераважна ў в. Кабанаўка Жлобінскага р-на (распараджэнне СМ БССР № 266-17 ад 27.08.86).
Звесткі аб бібліятэцы:
Дата адкрыцця: 01.01.1926 – 31.12.1926
Кніжны фонд: 9950
Колькасць чытачоў: 112
Дата закрыцця: 24.09.1986
Бібліятэкар, які праводзіў закрыццё: Аляксеенка Тамара Сяменаўна
№ дакумента: Загад №16 ад 24.09.1986 г. па Нараўлянскай ЦБС