Назва вескі: БАРКІ

Месцазнаходжанне:

Пасёлак у Забалоцкім  с/с, за 12 км на ПнУ ад раённага  цэнтра і чыг. ст.  Буда-Кашалёўская (на  лініі Жлобін — Гомель), 35 км ад Гомеля. На Пд мяжуе з лесам. Транспартныя сувязі па прасёлачнай дарозе, затым па шашы Доўск — Гомель. 

Гістарычная даведка:

Засн. ў пачатку 20 ст. перасяленцамі з суседніх вёсак. У 1926 г. 10 двароў, 51 жыхар, у Чачэрскім р-не Гомельскай акругі. У 1931г. пасялкоўцы ўступілі ў калгас. Па перапісу 1959 г. 76 жыхароў. Уваходзіў у склад калгаса «Іскра» (цэнтр  —  в.  Забалоцце). На момант адсялення у паселку было 12 двароў, 29 жыхароў.

Звесткі аб адсяленні:

У сувязі з радыяцыйным забруджаннем пасля Чарнобыльскай катастрофы  жыхары (12 сямей) пераселены ў чыстыя месцы.